ચાલ હવે ભાઈ ! સમય સાથે ચાલ હવે,
સમય જો નહિ સચવાય તારાથી, બીજું કશું નહિ સચવાય,
સમય સાથે મોજ કરી લે, સમય સાથે વ્યવહાર કરી લે,
પછી કહેતો નહિ કે રહી ગયું કામ, કામ પતાવવા ચાલ હવે,
છોડવા પડશે દુશ્મનો, સગાસંબંધીઓ, અને જીગરજાન દોસ્તો,
સમય પલટાશે જયારે, કોઈ કહેશે નહિ કે મારી સાથે ચાલ હવે,
કહેવાય છે કે, મેળવવા માટે કૈક, ગુમાવવું પડશે કૈક,
હૃદયમાં યાદોના સંભારણા લઈને ચાલ હવે,
અગણિત માનવીઓની દુનિયામાં પણ લાગશે એકલું હવે,
અજાણ્યા રાહબરની સાથે કદમ મિલાવીને ચાલ હવે,
જવું છે અજાણ્યા કોલાહલ વચ્ચે જયારે “રવિ”,
ત્યારે જન્મભૂમીની ધૂળ સાથે રાખીને ચાલ હવે.
ટિપ્પણીઓ નથી:
ટિપ્પણી પોસ્ટ કરો