સત્ય છે આ દુનિયાનું - કોઈ માને છે, કોઈ અવગણે છે.

શોર-બકોરથી ભરપુર આ દુનિયામાં એક હૃદય ઉદાસ છે,
લાચાર માણસોની વ્યથા વિચારીને એક મન ઉદાસ છે,

કેવી રીતે લડતા હશે એ લોકો પરિસ્થિતિની સામે,
તેમના શ્વાસોમાં પસાર થતી હવા પણ ઉદાસ છે,

અમીરોના મહેલો જોઇને, બાળે છે ગરીબો એના ઝુપડા,
અંધારામાં રોશની લાવવા છતાં પણ એ આગ ઉદાસ છે,

માનસિક પરિસ્થિતિના વર્ણનો કોની સામે કરું હું “રવિ”,
આ દુનિયા માં તો દરેક માણસ ઉદાસ છે.