મારો શું વાંક ??

પ્રેમના ફૂટ્યા છે અંકુર તારા આવવાથી, શું જાદુ છે એવું તારામાં,
કે તારા સિવાય હવે કોઈ બીજું દેખાતું નથી, એમાં મારો શું વાંક ??

પૂછે કોઈ સરનામું મારું, અને મુખે બોલાઈ જાય છે સરનામું તારું,
તારા નામનું ભૂત ચડી ગયું છે મગજમાં, એમાં મારો શું વાંક ??

હજારો ચેહરા જોયા છે જીવનમાં, અને તું પણ એમાંથી એક જ છો,
હવે તારા સિવાય બીજો ચેહરો દેખાતો નથી, એમાં મારો શું વાંક ??

મોતનો ડર નહોતો આજ સુધી આ જિંદગીને, હવે સંભાળે છે મને તું,
તારા વગર એક પળ જીવવું હવે નથી ગમતું, એમાં મારો શું વાંક ??

તને મળ્યા પછી મને હવે જિંદગીને પૂરી માણવાનું મન થાય છે.
અતુટ તાંતણા જેવો પ્રેમ થઇ ગયો તારી સાથે, એમાં મારો શું વાંક ??

વગર કહ્યે આંખોથી વાંચીને સમજી જાય છે તું મને કાયમ એ શું છે ?
મારા હૃદયમાં તારા નામની ધડકનો ચાલે છે, એમાં મારો શું વાંક ??