શુક્રવાર, 2 જાન્યુઆરી, 2015

મને ગમે છે.

ખરી વાત છે તારી રાધા કે, મને શું ખબર હોય આ પ્રેમની,
                      મને તો બસ દિવસ-રાત ફક્ત તારું જ નામ લેવું ગમે છે.

ખરી વાત છે તારી કે, નથી જાણતો હું કોઈ પ્રેમની વ્યાખ્યા,
                      મને તો બસ માત્ર તારા સુખદુખનો ભાગીદાર થવું ગમે છે.

ખરી વાત છે તારી કે, નથી લાવતો તારા માટે ક્યારેય ફુલ,
                      મને તો બસ તારા રસ્તે પડેલા કાંટાઓ વીણવાનું ગમે છે.

ખરી વાત છે તારી કે, નથી જવા દેતો તને મારાથી દૂર ક્યાય,
                      મને તો બસ તારી મુલાયમ હથેળી પકડીને ચાલવું ગમે છે.

ખરી વાત છે તારી કે, હું બેદરકાર છું સાવ પોતાની જાત પ્રત્યે,
                     મને તો બસ માત્ર તારું ધ્યાન અને સંભાળ રાખવી ગમે છે.

ખરી વાત છે તારી કે, તારા સિવાય પણ બીજી દુનિયા છે અહી,
                      મને તો બસ માત્ર તને જ મારી દુનિયા બનાવવી ગમે છે.

ખરી વાત છે તારી કે, આપણે સાથે રહી શકીએ એ શક્ય નથી,
                      મને તો બસ જિંદગીભર તારી યાદોને સાચવવી ગમે છે.

ટિપ્પણીઓ નથી: