મારી લાડકી બેન.

ગંગાજળથી પણ પવિત્ર સંબંધ સચવાય છે એમ,

કે જેમાં છે એક વીરો અને છે એની લાડકી બેન.

છે મિત્રોથી ભરપુર આ દુનિયા, પણ ઘરમાં છે એક મિત્રની જેમ,

બેના માટે એનો ભઈલો અને ભઈલા માટે એની બેન.

આશ્ચર્ય થાય છે મને કે દુર હોવા છતાં સુરક્ષિત છું હું કેમ,

ખબર પડે છે પછી કે બેન કરે છે ઉપવાસ ને કાઢે છે દિવસ જેમતેમ.

બેના છે ભાઈથી મોટી અને રાખે છે ભઈલાનું ધ્યાન,

સાંભળીને ભાઈનું નામ, બહેન કહે છે કે આજ છે મારું કામ.

પ્રેમ છે તારા પર અપાર મને, કેમ કરી સમજાવું તને બેન,

તારી અમૂલ્ય રાખડીનું ઋણ, ચૂકવીશ હું તને કેમ ?

લીંબડી પીપળીના ગીતો ગાઉં છું જેમ અને તેમ,

પણ નાં આવડે ત્યારે પ્રેમથી કહું છુ કે હું તારો વીરો અને તું મારી બેન.